في بداية أي مشروع.. يجيك ذاك الشعور اللي يخليك تحس إن الدنيا أخيراً ضحكت لك! الموقع شغال، الطلبات تجيك من كل مكان، والمبيعات في أول أسبوع كانت فوق التوقعات. بس مع مرور الوقت، تكتشف إن اللي صار كان مجرد 'هبة'. والهبة هذي لها عمر، تنتهي بانتهاء اهتمام الناس اللحظي أو لما يكتشفون إن المنتج 'شكل فقط' وما فيه جودة حقيقية.
من اهم الدروس اللي تعلمتها خلال سنوات عملي في تطوير الأعمال إن العميل اللي يشتري منك مرة وحده ويختفي، هذا مو نجاح. النجاح الحقيقي هو العميل اللي يرجع لك مرة ثانية، وثالثة، وعاشرة. هذا العميل هو اللي يخلي البراند حقك يعيش سنوات، مو بس أيام.
العميل اللي يرجع لك هو السلاح السري لأي براند ودّه يستمر في السوق. لما يرجع، هو ما يرجع بس عشان المنتج، هو يرجع لأنه التجربة كانت مناسبة له وحب التعامل، وحس إن البراند يشبهه. هذي الثقة هي اللي تخليك تركز على النمو الحقيقي، لأنك عارف إن عندك قاعدة عملاء مستدامة، مو معتمد على 'هبة' ممكن تختفي بكرة.
لا تعتمد على أرقام البدايات، ولا تتشتت مع كثرة الترندات. ابنِ نظام قوي، اهتم بالتفاصيل اللي تضمن جودة الطلب وتكرار التجربة.. هذي هي الطريقة الأفضل اللي تحول مشروع صغير لعلامة تجارية لها وزنها في السوق.
والحين اسأل نفسك، هل أنا مركز على جذب ناس جدد كل يوم، ولا جالس أبني نظام يضمن رجعة العميل اللي اشترى من قبل؟
إذا حسيتوا إنكم غرقانين في الطلبات والعمليات ونسيتوا تركزون على 'النمو' الحقيقي للبراند، تنظيم المهام الأسبوعية صممته عشان يساعدكم ترتبون وقتكم، وتشوفون الصورة الكبيرة لنجاح مشروعكم
-